BLANCO RAMOS, CARMEN
Carmen Blanco Ramos naceu en Vilar de Céltigos, Santa Comba (A Coruña), en 1957 e formouse académica e culturalmente en Madrid, a onde marchou con só dez anos. Desde 2001 reside en Galicia. Publicou varios relatos e artigos de crítica literaria en Madrygal. Revista de Estudios Gallegos da facultade de Filoloxía na que cursou os seus estudos (Universidad Complutense). Colaboracións da súa autoría foron publicadas nas revistas A Freita e Grial. Participou nos libros colectivos Muller de doce sal. Homenaxe a Inés Canosa (2000) e en Ex toto corde. No oitenta aniversario de don Xesús Alonso Montero (2009), así como na edición de Pontevedra Literaria (2007). De xeito individual publicou a novela A golpe de dor (2002). En 2016 publica O volframio en Varilongo. Santa Comba de Xallas (1941-1963), o seu primeiro ensaio na colección Crónica de Xerais.